Басан Городовиков
Үгнь Балакан Алексән

Һалв баһ уйн насндан,
Һазр - усан үлдәһәд мордла.
Цергтә күнд хаалһар йовад,
Цө мет батрла.

Давтр:

Билгтә һавшун дәәч
Басан Городовиков!

Догшн дәәнә халун һалд,
Даңгдл уга зөрмг ноолдла.
Диилвр бәрҗ, нер туурад,
Делкәд төвкнү делдлә.

Давтр:

Герой нер зүүсн
Генерал Городовиков!

Арвн нәәмн җилин туршарт
Амрл уга шунҗ көдллә,
Хәәртә әмән, өнр җирһлән
Хальмг Таңһчдан нерәдлә.

Давтр:

Мөңкрәд теегтән үлдсн
Мана Городовиков.