Сустрэнь мяне

Сустрэнь мяне летам спякотным
У скразьняках метро.
Сустрэнь мяне хмелем пяшчотным,
Ў якім маладзее кроў.
Сустэнь мяне сном аксамітным,
У золаце восеньскіх дзён, 
Сустрэнь мяне водарам жытнім 
сярод неабсяжных палёў.

Сустрэнь мяне навальніцай,
Што грае ў касмічныя томы,
Сустрэнь, каб не загубіцца
Ў мроях маіх непрытомных.
Сустрэнь мяне ценем лісця, 
Ратуючы ад санцапёку.
Я прагну насустрач выйсці – 
Веру, што ты недалёка...

Сустрэчы – дасланні сусвету,
Пакрочыш далей - я цябе не ўтрымаю.
Толькі ў сустрэчы вось гэтай
Дазволь падзяліцца з табой
чым маю.