Дуҫтарыңды онотма >>

Ҡош балаһы ҡанат менән тыуа,
Һауаларға менеп юғала.
Кешеләр ҙә ҡош балаһы кеүек,
Үҙ яҙмышын эҙләп юл ала.

Тормош юлдары ҡатмарлы —
Бер яңғыҙың юл үтмә,
Йөрәк ҡанаты булырҙай
Дуҫтарыңды онотма.

Орлоҡтарҙан гөлдәр тыуһын өсөн,
Сәскәләргә сәскә өндәшә.
Кешеләр ҙә гөлсәскәләр кеүек,
Бер - берhенә бәхет өлөшә.

Төрлө яҡҡа китер юлдарыбыҙ,
Онотмайыҡ йәшлек елдарын,
Йыраҡ йылдар аша хәтерләйек,
Ошо һаубуллашыу йырҙарын.