Ħolma

Qedna li l-ħolm jaf isir realtà
Jien min jien u x’nista’ nsir?
Ħolma ħlomt li fiha rajt ġejjien
Żernieq ġdid għalina lkoll
Bi tbissim u qalb li taf tħoss u tgħin għax taf tħobb
X’ħajja rrid ngħix u nkanta

Din il-ħolma rrid li f’ħajti nara li tirnexxi
U l-ħolma sseħħ tassew
Din il-ħolma ssir jekk jiena nibqa’ nemmen fiha
Ngħixha bħala ħolma msaħħra, bħal stilla ġdida nkun

Tir il-fuq bħall-gawwija fuq l-ilmiet
U fuq wiċċek jiddi dawl ix-xemx
Nemmen fik, ara dak li trid u b’qalbek kollha
Tibda miexja l-quddiem u ngħidu

Din il-ħolma rrid li f’ħajti nara li tirnexxi
U l-ħolma sseħħ tassew
Din il-ħolma ssir jekk jiena nibqa nemmen fiha
U m’hemm xejn li se jwaqqafni milli nilħaq dan l-għan

Din il-ħolma rrid biex niksibha inżomm sod
Naħdem bil-ħsieb għax jiena rrid illi tirnexxi, u l-ħolma ssir