1. Величит душа Моя Господа,и возрадовася дух Мой о Бозе Спасе Моем.

Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

2. Яко призре на смирение рабы Своея,се бо отныне ублажат Мя вси роди.

3. Яко сотвори Мне величие Сильный, и свято имя Его, и милость Его в роды родов боящимся Его.

4. Сотвори державу мышцею Своею, расточи гордыя мыслию сердца их.

5. Низложи сильныя со престол, и вознесе смиренныя; алчущия исполни благ, и богатящияся отпусти тщи.

6. Восприят Израиля отрока Своего, помянути милости, якоже глагола ко отцем нашим, Аврааму и семени его даже до века.