Кыр казлары җырлап,
Кыр казлары елап,
Каңгылдашып оча көз җиткәч.

Йөрәк әрнеп кала,
Йөрәк сыкрап яна,
Кыр казлары кебек син киткәч.

Әллә яңгыр ява,
Әллә яшьләр тама,
Юлларыннан киткән казларның.

Йөрәк сине көтә,
Еллар синсез, үтә,
Син онытма җирдә мин барын.

Кыр казлары җырлап,
Кыр казлары елап,
Каңгылдашып оча көз җиткәч

Йөрәк сине көтә,
Еллар синсез, үтә,
Син онытма җирдә мин барын.