Літвінка, дзяўчынка,
Прыгажуня, каханка,
З табою спаткацца,
Я спяшаюся ранкам

Літвінка, дзяўчынка,
Недасяжная мара,
Мне людзі казалі,
Што з табою мы пара

Прыпеў:
Яе косы - струмень шаўковы,
Яе вусны - водар мядовы,
І яскравы прамень захован,
У бяздонных вачах,
Яе постаць - танней рабіны,
Яе погляд - сіней ручаіны,
І няма прыгажэй дзяўчыны,
Чым вайтова дачка!

Літвінка, дзяўчынка,
Белакрылая птушка,
Увосень з табою,
Заручыцца я мушу;

Літвінка, дзяўчынка,
У цэркву да шлюбу,
Цябе, як птушынку,
На руках несці буду;

Прыпеў: 2р.