Къайдаса сен?
1
Кёк кенгинде боз булутла асылып,
Тау башлада жел шуулдап урады.
Тау элчик да туманладан басылыр – 
Уллу жауун жетип келе турады. 
 Припев:
Къайдаса сен? Уллу жауун жетеди, келеди.
Тёгерекни ырхы этип, 
Къутургъан суу толкъунларын элтеди,
Къоярыкъча дунияны бурху этип.
2
Жауун жаууады, бучхакъдан къуйгъанлай,
Кёк да жуукъдан жуукъ кюкюрейди.
Жюрегим да, ырхы талап къойгъанлай,
«Сен къайдаса, о къайдаса?»,  дейди.
Припев:
Къайдаса сен? Уллу жауун жетеди, келеди
Тёгерекни ырхы этип, 
Къутургъан суу толкъунларын элтеди,
Къоярыкъча дунияны бурху этип.
3
Къайдаса? Булгъанадыла булутла. Къайдаса?
Къайдаса? Алдарыкъча умутла? Къайдаса?

Къайда эсенг да, сакълайма мен сени
Булутла тепсейдиле, кёремисе?
Кечеде, кюнде да, жокълайма мен сени.
Айт, сюймекликге жууап беремисе?
Айт, сюймекликге жууап беремисе?