Уэрэдыр фадэм къыхокlыр,
Зэхэкlыр губжьым къыхах, зи унагъуэрэ!

Шы дахэ мыжэри фэтехщ,
Уэр, дохъутей техыныр лlыгъэжьщ.

Тlуащlэжьым дэ дыщыдэсым
Тэхъуанэр дэ ди хьэщlэщт.

Къундет и къуитlыр фошэсыр,
Уэр, Къундет и къуитlыр фошэс.

Ермэлы бзагуэри фи гъуазэт,
Сасыкъ Исмелыжьри фи гъусэт.

Ищхъэрэ Къумыми фынохыр,
Уэр, нэгъуей уэтоми фытохьэ.

Нэгъуей хъаныжьри къыщlокlыр,
Уэр, фlэхъус-сэламри къывех.

И хьэщlэщ лъапlэм фыщlешэ,
Хьэщlэ нышыр пшэрурэ фхуеукl.

Мыхьэмэт lэшэри мэгубжьри,
Уэр, нэгъуей хъаныжьри ныщlеш.

Уэто щlыбагъымкlэ ирешэкlри,
Уэр, мэл жьагъэ хабзэу ныфlебз.

Мэхьэмэт lэшэри къокlуэжри,
Уэр, пхъуантэ фlыцlэжьри якъутэ.

Къутыныр тайуэрэ къыдахыр,
Дыжьыныр хуауэрэ къыдадз.