Ұнатамын мен сені дегенменен,
Көрмегенді оздеген сенен көрем.
Өз обалың өзіңе, өзіңнен көр,
Ғайып болсам бір күні егер де мен.

Ұнатамын мен сені,

Арманымдай еңселі,

Өмірімнің өлшеміі,

Ұнатамын...

Дегеніңнің бәрін де жасап жүріп,
Көрсетпеймін зәредей асау қылық.
Сенің ғана ырқыңа бас алдырып,
Бұға берем, не деген жасандылық?!

Ұнатамын мен сені,

Арманымдай еңселі,

Өмірімнің өлшеміі,

Ұнатамын...

Ұнатамын мен сені бірақ, бірақ,
Мейіріміңді қайтейін жылап сұрап.
Ұнатамын дегенім - жасандылық,
Саған деген жүрегім құрақ-құрақ.

Ұнатамын мен сені,

Арманымдай еңселі,

Жүрегімнің бөлшегі,

Ұнатамын...