ГҮЗӘЛ БАКЧА

Туган авылым балачагым кебек
Һәрчак төшләремә керәсең.
Гүзәл бакча булып төшләремә кереп
Үзәгемне нигә өзәсең?

Кушымта:
Гүзәл бакча булып төшләремә кереп 
Үзәгемне нигә өзәсең?

Кайткан чакта юлларыма чыгып
Ак каеннар каршы алалар,
Нидер әйткән кебек алар һәрбересе
Шаулый-шаулый озатып калалар.

Кушымта:
Нидер әйткән кебек алар һәрбересе
Шаулый-шаулый озатып калалар.

Кайтыйм әле тагын авылыма
Алсу таңнар сызылып атканда.
Төшләремә кергән гүзәл бакчабызда
Сандугачлар җырын тыңларга.

Кушымта:
Төшләремә кергән гүзәл бакчабызда
Сандугачлар җырын тыңларга.