Поч тӧрзатым, мӧрым пуэм
Мӧр поген гына толам.
Мӧр гай чевер чуриетым
Ынде кушакым ужам.
Мӧр гай чевер чуриетым
Ынде кушакым ужам.

Ик сер гычын вес серышке
Кидетым пу йолташем.
Олык кумда калык шуко
Йӱкетым пу йолташем.
Олык кумда калык шуко
Йӱкетым пу йолташем.

Йолташ-влак погыналза,
Чодырам пырля лектына.
Чодырам пырля лектына гын,
Ӱмыреш пырля лийына.
Чодырам пырля лектына гын,
Ӱмыреш пырля лийына.

Олма саска ошо лиеш,
Роза ал тӱсан лиеш.
Тыйым ужмо шумо годым
Кечыжат кужу лиеш.
Тыйым ужмо шумо годым
Кечыжат кужу лиеш.