Пирӗн урам анаталла 
Шуса анать пӗр ҫуна
Эп урампа иртнӗ чухне
Йӗрсе юлать хӗрача

И, ҫил вӗрет, ҫил вӗрет те
Ҫил ҫӗклентерсе ярать
Чӗрпеле чӑтаймасӑр
Йӗрсе юрласа ярать

И, тил юртать, тил юртать те
Ҫипрен ҫинҫе ҫулпала
Мана савни ӳпкелешет
Выляса каланӑ сӑмахшӑн

Кӗпер ҫине шыв илет те
Шур кӗпине кам илет?
Савни савнине илет те
Савманнине кам илет?

Шурӑ пӳрте кӗрӗттӗм те
Ура салтса ҫӳрӗттӗм
Савни ҫумне ларӑттӑм та
Сар ҫу пекех ирӗлӗттӗм

Саркайӑксем юрлаҫҫӗ те
Тул ҫутӑлнӑ вӑхӑтра
Юрлама мар, йӗрсе ярӑн
Аса килнӗ вӑхӑтра

Ҫӗнӗ кӗлет умӗнче те
Шӑнтӑм, савни, кӗрӗкне пар
Автан авӑтать,тул ҫутӑлать
Каятӑп, савни, ална пар