Өзіңдей таба алмаспын асылды,
Жүрегім жылағанын жасырды.
Шарасыз ұмытармын қимастан,
Өткізіп айлар, жылдар, ғасырды.

Армандар сенде қалған аңсатты,
Ұмытам айтшы қалай сол шақты.
Махаббат шыншылдықты қалаушы еді,
Көңілің өзге жанды аңсапты

Қайырмасы:
Үнсіз мені мені мені мені, мені мені мені аңсап жүрсің бе?
Мен де сені сені сені сені, сені сені сені сағынам күнде!

Кінәлі мен боларын білмедім,
Жылуды тек өзіңнен іздедім.
Алдандым сол бір жылы сәттерге,
Алдамшы көктем емес күз бе еді.

Сағындым жаным сені сағындым,
Тағдырдың жазғанына бағындым.
Бағыңды тілеп сенің әрдайым,
Тәңірге жылатпа деп жалындым.

Қайырмасы:
Үнсіз мені мені мені мені, мені мені мені аңсап жүрсің бе?
Мен де сені сені сені сені, сені сені сені сағынам күнде!