Кто ны разлучит от любве Божия, скорбь ли, или теснота, или гонение, или глад, или нагота, или беда, или мечь? якоже есть писано: яко Тебе ради умерщвляеми есмы весь день: вменихомся якоже овцы заколения.
Но во всех сих препобеждаем за возлюбльшаго ны.
Известихся бо, яко ни смерть, ни живот, ни ангели, ни начала, ниже силы, ни настоящая, ни грядущая, ни высота, ни глубина, ни ина тварь кая возможетъ нас разлучити от любве Божия, яже о Христе Иисусе Господе нашем.