Chratze, pumpe, sprütze, krache
Zupfe, stosse, ischaniere
risigi Maschine lache
Dass sie schön cha explodiere

Schüüfele, schüüfele, Wasser schöpfe
Jede Tag und ohni Ziel
De Zauberer fangt a umehüpfe
Scho isch er uf em Bäsestiel

Jetzt isch de Schweisser en Schaman
Ise hucht er Läbe ii
De Toteschopf en Scharlatan
Und no en [bad word]  das isch's dänn gsi

En Garteschluch rüert Wasserzeiche
Wie en Juchzger höch i d'Luft
De Isechopf fängt jetzt a seiche
Denn isch siis Läbe au verpufft

Schüüfele, schüüfele, falla laa
Di ganz Maschine isch sis Chind
Use spucke tralala
Chömed mit, ich gang jetzt gschwind

Dänn hebt er ab uf eme Bäse
Hopp und furt is Firnament
Und hinder sich die Isewäse
Wo Herz und Seel vom Meister händ