Ортада отырмыз бәрiмiз
Жасы үлкен, кiшiмiз, кәрiмiз,
Балалык шағымнан әнгiме айтайын
Құлақ салып тыңдаңыз бәрiңiз.

Балалық шағымнан бiрге өскен,
Қаракөз сұлу-ай бой жеткен,
Он жылдық мектепті үздiкке бiтiрiп
Қалаға оқуға ол кеткен.

Осымен ай өтти, жыл өттi,
Қаракөз хабарсыз ол кеттi.
Күндердiң күнiнде Қаракөз-айымнан
Бiр парақ қағазбен хат келді.

Хатында жазыпты кешiр деп,
Маңгiлiк махаббат өшті деп,
Күздегi болатын үйлену тойымның 
Қадырлі қонағы болшы деп.

Сонда мен бардым ғой қалаға,
Сүйгенiңдi iздемей болама?
Мен барсам қалаға, қасында бiр бала
Сонда мен қалдым ғой далада.

Жiгiттер сенбендер қыздарға,
Осы күни ойлайтын қыз бар ма?
Жүрегім лүпілдеп, сүйемiн деп алдайды
Махаббат ойыншық қой оларға.

Жігіттің намысын аяққа таптаған,
Қыздарды қыз деуге бола ма?
Осымен әнімді тыяйын
Қалайша мен оны кыяйын.

Осында отырған бiр қызга ғашықпын
Есiмін айтпай-ак кояйын.
Осында отырған бiр қызга ғашықпын
Есiмін айтпай-ак кояйын.