Г1алг1айче
Г1алг1ай сий деш, йоал со илли ала,
Г1алашк хьалха баьхач хана наха,
Х1аране ханний шуна лакха г1ала,
Дийца вагвац шунна хамма,
Денал да шун диста боарам боацаш,
Камаьрш да шо г1алг1ай адамаш, тамашъе.

Г1алг1айче, Г1алг1айче, са Г1алг1айче.
Са Г1алг1айче Даькъал хила хьо.

Далла деннад шоана лакха лоамаш,
Ц1енна да хий, дарбан да шун шовдаш,
Цкъа дагвенар ц1аккха вицлургвоацаш,
Седкъий санна хоза ба шун мехкарий,
Къахетаме к1алвисар чуэцаш,
Дала деннад шоана ч1оаг1 эхь-эздел.

Г1алг1айче, Г1алг1айче, са Г1алг1айче.
Са Г1алг1айче Даькъал хила хьо.

Хьаьшен яхаш лелабу оаш кхача,
Кхайканз воаг1и ду оаш доаккха хоза ц1ай,
Малейк санна бераш да шун боча,
Тахан дах, баьхач тайпар хьалха дай.

Г1алг1айче, Г1алг1айче, са Г1алг1айче.
Са Г1алг1айче Даькъал хила хьо.