Бу тормышта ак һәм кара
Һаман чиратлашып бара.
Кайчакта ак, кайчакта кара
Язмышларга тамга сала.

Аклык юлдаш булсын безгә
Кара күлмәкләр кисәк тә...
Бүгенгедән акны алып,
Илтик, дуслар, киләчәккә.

Гел ак кына булсын, димә,
Кирәктер бераз кара да.
Акның кадерен белергә,
Яшәү мәгънәсен аңларга.

Аклык юлдаш булсын безгә
Кара күлмәкләр кисәк тә...
Бүгенгедән акны алып,
Илтик, дуслар, киләчәккә.

Кара көчләр, кара төсләр
Ак өстенә тап төшермәс.
Ак җанлылар каралыкны
Төннәрдэн көнгә күчермәс.

Аклык юлдаш булсын безгә
Кара күлмәкләр кисәк тә...
Бүгенгедән акны алып,
Илтик, дуслар, киләчәккә.