Пöчö менö видзлывлiс, потан дорын сьывлывлiс:
«öввö, öввö».
Пöчö менö ланьтöдö, кыдзпу лайкан лайкöдö:
луйк-лайк, луйки-лайк.
Пöчö сьылö нораа, лайкан дзуртö гораа:
Дзурк-дзурк, дзурки-дзурк.
Шебрас кокöн чужъяла, ичöт кекöн шыблала,
Вот тай на.
Пöчö бара тубыртас, эшкын улö шебрöдас, 
Зарни пиöй, узь нин, узь,
Сьöлöмшöрöй, узь нин, узь.
Öввö, öввö.
Мамыд мунiс турунла, регыд локтас, эн бöрд, эн.
Öввö, öввö.
Айыд кайис вöравны, сьöла-урöс лыйлыны,
Зэв вöд сiйö ачыс зiль, ваяс тэныд уна силь.
Öввö, öввö.
Быдман, ыджыд лоан морт, 
Вылö лэбзян, пöтка борд.
Öввö, öввö.
Кузя тадзи сьылас пöч, кытчöдз оз ланьт ачыс тшöтш.
Ывлаын войтöв шутьлялö,
Керкаын шоныд онялö,
Кага потан довъялö,
Пöчö сэнi вугралö.
Öввö, öввö.