1. Кіші жүздін төрінде,
Батысымның белінде.
Қанат қаққан Төрткара,
Қазағымның көгінде.
Ел тәуелсіз ақ таңым,
Дәстүр мұра баққаным.
Ұлтым қазақ қаһарман,
Руым менің мақтаным.
          
        қайырмасы:

Бар қазақтың үнімін,
Алты алаштың жырымын.
Жырлау үшін жаралған,
Бір алланың құлымын.
Тамыр жайған Әлімнен,
Төртқараның ұлымын.

2. Ақ киізім арланым,
Құлтас баба тарланым.
Қаракісі, Құламан,
Рухтын жиған бар бағын.
Туын көкке қадаған,
Ел қызыға қараған.
Жасай берсін сан ұрпақ,
Төртқарадан тараған.
          
        қайырмасы:

Бар қазақтың үнімін,
Алты алаштың жырымын.
Жырлау үшін жаралған,
Бір алланың құлымын.
Тамыр жайған Әлімнен,
Төртқараның ұлымын.