1.
Келесӹ, келесӹ,
Тӹнь тольыц кышецӹн,
Кыце монат корныжым тиш?
Тӹнь ат ыл ылгецӹ,
Кӱм вӓшлиӓм весӹм
Дӓ кӱ доно кем Йылжы лиш?
Тӹнь ат ыл ылгецӹ,
Кӱм вӓшлиӓм весӹм
Дӓ кӱ доно кем Йылжы лиш?

2.
Тӹнь тольыц. Ӹндежӹ
Мӹньӹн шӱмӹштемжӹ
Цилӓ, шошым гань, ӹлӹж кеш.
Чонгештӹмӹлӓ чучам,
Кынам тӹньӹм ужам,
Дӓ ам тырхы у вӓшлимеш.
Чонгештӹмӹлӓ чучам,
Кынам тӹньӹм ужам,
Дӓ ам тырхы у вӓшлимеш.

3.
Сӹнзӓшкет анжалам,
Пиш ласкон анжалам
Дӓ большыжы ам уж нимат.
Лач мӓ коктын веле -
Яратышы пелӓш -
Ылына земля вӹлнӹжӓт.
Лач мӓ коктын веле -
Яратышы пелӓш -
Ылына земля вӹлнӹжӓт.

4.
Кычалам кидетӹм,
Иквӓреш ашкедӓш
Линежӹ вет курым мычкок.
Тенгелӓ вел лишӹж:
Сусу яре шижӹ
Цӓшӓн ире шӱмнӓ соок.
Тенгелӓ вел лишӹж:
Сусу яре шижӹ
Цӓшӓн ире шӱмнӓ соок.