Музыка народная, стихи Магомета Чотчаева.

Къууанч киргенди юйюме, джериме,
Къанат битгенди халкъыма, элиме.
Насыбы къайнай толгъан муратында,
Таулу джырлайды тауланы къатында.

Припев:
Келин келеди, сабий тууады - той,
Дырын джыяды, ийнек сауады - той,
Аскерге кете, советге сайлай - той,
Адамлыкъ эте, къонакъны сыйлай - той!

Джангы юйледе къайнайды берекет
Хар бир тийреде кёбдю сюйюм, хурмет,
Байлыкъ ёсдюре сюйген Кавказында,
Таулу джашайды эркин арбазында.

Припев.

Джолда  «Волгала», къууанчха тизиле,
Эски джашауну тамыры юзюле,
Къобуз тауушла эштиле хар къайда,
Джарыкъ чыгьады къарачай орайда.

Орайда-райда, орайда-райда, ой,
Орайда-райда, орайда-райда, ой,
Орайда-райда, орайда-райда, ой,
Орайда-райда, орайда-райда, ой.