Әнкәемнең ак шәле
1.
Ак мамыктан әнкәм шәл бәйләде,
Челтәр-челтәр итеп читләрен.
Әйтерсең лә шулай бәйләгән ул
Ак шәл итеп йөрәк хисләрен.
--------------------------------------
Әнкәемнең шәлен, әнкәемнең төсен
Саклыйм һаман күңел түрендә.
Сандыгында челтәр шәле булган| 2
Килен булып төшкән көнендә.     | раза
--------------------------------------
2.
Һәр элмәге гомер юлларыдай
Сызылып ята ап-ак шәлендә. 
Төшләремә керә иннәремә
Мамык шәлен салган хәлендә.
3.
Яшь чакта ук ап-ак шәл ябынган
Күңелкәе саф, пакь булганга.
Сандыгыннан челтәр шәлен алам
Сагынудан күңелем тулганда.