Жалғыз досым, алыстасың менен сен,

Жалғызсырап түсті бүгін өлең-сел.

Жас балаша қуанушы едім мен,

Көздеріңнің шуағына бөленсем.

 

 

Қиналдым мен, бірақ сендей кім ұқсын,

Өзің ғана мейірбансың, тұнықсың.

Өмір – ащы, өне бойым, өне бойым сыздайды,

Өз жарасын жүрек қалай, жүрек қалай ұмытсын.

 

 

Ойлаймын мен, ой-мұң кейін шегінсе,

Иығыңа басым қойып егілсем.

Жұбатар ең, бір ақылды сөз тауып,

Тіршілікке талпындырар едің сен.