«Благословен еси, Господи, научи мя оправданием [заповедям] Твоим». (И далее этот стих повторяется после каждой песни.) 
«Ангельский собор удивися, зря Тебе, в мертвых вменившася, смертную же, Спасе, крепость разоривша, и с Собою Адама воздвигша, и от ада вся свободша. 
Почто мира с милостивными слезами, о ученицы, растворяете? Блистаяйся (светоносный) во гробе Ангел мироносицам вещаше: видите вы гроб и уразумейте: Спас бо воскресе от гроба. 
Зело рано мироносицы течаху ко гробу Твоему рыдающия, но предста к ним Ангел и рече: рыдания время преста, не плачите, воскресение же апостолом рцыте. 
Мироносицы жены, с миры пришедшия ко гробу Твоему, Спасе, рыдаху, Ангел же к ним рече, глаголя: что с мертвыми живаго помышляете? Яко Бог бо, воскресе от гроба. 
Слава Отцу и Сыну и Святому Духу. 
Поклонимся Отцу и Его Сынови, и Святому Духу, Святей Троице во единем существе, с Серафимы зовуще: Свят, Свят, Свят еси, Господи. 
И ныне и присно, и во веки веков, аминь. 
Жизнодавца рождши, греха, Дево, Адама избавила еси, радость же Еве в печали место подала еси, падшия же от жизни к сей направи из Тебе воплотивыйся Бог и Человек. 
Аллилуиа, аллилуиа, аллилуиа, слава Тебе, Боже» (трижды).