Старинная (исполнитель: КъэрдэнгъущI Зырамыку)
Уэзырхэ Нахъуэми Хьэщlэ къыхуокlуэ, Хьэутий нокlуэри Шыхэр щlетlыкlкъэ. Ибг щlэтlыкlауэрэ Елдар мэпщафlэ, Фадэ нэхъыфlхэри Борэ къахуехькъэ. Щоджэн Елмырзэри Уи ныбжьэгъу гупсэщ, Нышыр къахуихьри Жэрэ къэсащ-тlэ. Дыщэ lэлъынри Дэпым егъэлъейкъэ, Улъэрэ-лъейуэ Хьэжмуд къэсащ-тlэ. Ныбэжь Бэчырми Ахъшэ кърехкъэ, Абдж нэщl къыдехри Алий къыдокl-тlэ. Уэзырхэ пщlантlэм Сэмэвар щагъэувкъэ, Фызыжь увахэри Джабэм йожэкl-тlэ. Тумэ Хьэжбейри Уи цlырыхъущlэщ, Сэмэвар lэрыщlри Щыблэм икъутэ! Тумэ Тlатlымри Зэрынэзакъуэ, Нахъуэ изакъуэ Щэ дигъэсащ-тlэ. Шэрий Къасымри Сабырщlэгъейщ-тlэ, Уэзырхэ дгъейуэрэ Жылэр тфlисащ-тlэ. Мэкъуо Жамботри Уи фlыцlагъэшхуэщ, Шэрий хьэблэшхуэри Фlыцlагъэм щlащтэ! Шэрий lэуесри Зэрыхуэlушэ, Ислъэмей шухэри Къызэрохьэх-тlэ! Мэкъуо Жамботри Уи лlы мылажьэщ, Сытхэр ди лажьэу Дыкъебгъэсэкlрэ?! Мэкъуо Хьэмашэри Уи молэ нэпцlщ-тlэ, Къумыкъу тхьэгъэпцlым Дигъэунэхъуащ-тlэ! Тумэ Бэрокъуэми Пхъэхэр къефыщl-тlэ, Хьэблэ фызыжьхэми Зогъэфыщlыж-тlэ! Шэрий Тlырыгури Хъыдан бгырыпхкъэ, Фызыжь бгырыпххэри Мафlэм хисхьащ-тlэ! Дзыгъурхэ я витlри Бэкхъым къыщожьэ, Шыл гъэжьа фшхынумэ Уэзырхэ фыкlуэ! Пщыншэхэ Шокуэри Дамыгъэ тедзэщ, Мафlэм зытеддзэурэ Тlэщlэлъэтащ-тlэ. Шогуэ ефэндыжьми Хьэжыгъэр къешэч-тlэ, Дэ тхуэмышэчри Уэзырхэ Нахъуэщ. Уэзырхэ Нахъуэри Дыжьын къамэшхуэщ, Уиадэшхуэ и хабзэри Къэбублэжащ-тlэ! Хьэткъут зэшитlри Уи фыз къэмышэщ, Ямышэжынри Хьэсибат къыхукlуэ! Шогуэ ефэндыжьри Шэрихьэт мыщlэщ, Къуажэкlэм ямыщlэурэ Мафlэр нэсащ-тlэ! Ныбэжь Къасботри Ди къуажэ гъуощ-тlэ, Хьэблэ фызыжьхэм Гъуэгыу къажыхь-тlэ. Шэрий Даутри Уи пцlыlуэпцlышэщ, Инарыкъуей унэхэр Зэрагъэпцlыж-тlэ.