Ыал буолар күҥҥүтүгэр
Ыҥырыллан кэллибит,
Ытык бэлиэ кэмҥитигэр
Алгыс тылын этэбит

Хос ырыата:

Дьоллоох буолуҥ, дьоһун-мааны ыал дэтиҥ,
Үөрүү-көтүү үйэлээҕин эрэ билиҥ.

Сырдык уоттаах, итии дьиэлээх
Сылайбыты сынньатар,
Дэлэй уйгу-сылаас астаах
Кэрэхсэнэр ыал буолуҥ.

Хос ырыата.

Өйөһөҥҥүт-өйдөһөҥҥүт
Өрүү маннык таптаһыҥ,
Оҕолонон-урууланан
«Ийэ-аҕа» дэттэриҥ.

Хос ырыата.

Доҕотторбут, дьоллоох буолуҥ,
Дьоллоох буолуҥ!