с. М.Шаханов
ә. Ш.Қалдаяқов

Өзіңмен Арыстың
Бойында таныстым
Жайнаған гүлдей құрбым сен
Жағада тұрдың сен

Жаз еді күлкің де
Қайдасың бұл күнде?
Сені іздеп арманым
Сыр бойын шарладым

Алдыңда бір бақыт
Тұрғандай тіл қатып
Толқынға қарап ойлана
Әндеттің жай ғана

Жаз еді күлкің де
Қайдасың бұл күнде?
Сені іздеп арманым
Сыр бойын шарладым

Нұр шашып өзіңнен
Бір нәзік сезіммен
Жібектей шашың толқындап
Қалып ең қол бұлғап

Жаз еді күлкің де
Қайдасың бұл күнде?
Сені іздеп арманым
Сыр бойын шарладым

Кете ме осылай
Әніміз қосылмай
Аяулы таңым сен едің
Көрсем деп келемін

Жаз еді күлкің де
Қайдасың бұл күнде?
Сені іздеп арманым
Сыр бойын шарладым