Күнтэн күннэр барыахтара
Сылтан сыллар ааһыахтара
Өйбөр өрүү хаалыахтара
Кини күлбүт харахтара
Ааспыты санаан уйадыйан
Ол кэми эмиэ эргитэн
Албын санааҕа сиэттэрэн 
Аттыбар баардыы долгуйан

Ыллыыбын киниэхэ анаан
Ырыабар көрүөм дии санаан
Ыллыыбын истиҥ иэйиибин
Ааспатах ыраас тапталбын

Ыллыыбын киниэхэ анаан
Ырыабар көрүөм дии санаан
Ыллыыбын истиҥ иэйиибин
Ааспатах ыраас тапталбын

Эдэр сааһым үөрүүлэрэ
Кинилиин ситимниэхтэрэ 
Эппэр хаамммар иҥмиттэрэ
Кини сахпыт иэйиилэрэ
Кини барбыта миигиттэн
Таптал уотун симэлитэн
Кини төннүбэт иккистээн 
Кини үөрбэт миигиттэн

Ыллыыбын киниэхэ анаан
Ырыабар көрүөм дии санаан
Ыллыыбын истиҥ иэйиибин
Ааспатах ыраас тапталбын

Ыллыыбын киниэхэ анаан
Ырыабар көрүөм дии санаан
Ыллыыбын истиҥ иэйиибин
Ааспатах ыраас тапталбын

Таптал ааспатын сөҕөбүн
Ыар санаа баттыыр төбөбүн
Бэйэм бэйэбэр сөҥөбүн
Куруутун түүһээн көрөбүн
Күнтэн күннэр барыахтара
Сылтан сыллар ааһыахтара
Өйбөр өрүү хаалыахтара
Кини күлбүт харахтара

Ыллыыбын киниэхэ анаан
Ырыабар көрүөм дии санаан
Ыллыыбын истиҥ иэйиибин
Ааспатах ыраас тапталбын

Ыллыыбын киниэхэ анаан
Ырыабар көрүөм дии санаан
Ыллыыбын истиҥ иэйиибин
Ааспатах ыраас тапталбын