Уйлар кайта язларымда,
Бала туган якларыма.
Уртасына ут кабызып
Боз агызган чакларыма

Уйлар кайта авылыма,
Тайлар көткән болыныма.
Гүя озатып кулын болгый,
Әнкәм чыккан юл буена.

Уйлар кайта нигеземә,
Төп йорт кына һаман иңә.
Тауган җирдән һаман читтә
Безне генә язмыш йөретә.

Уйлар кайта туган якка,
Мин дә ахры уйларыма.
Иярәмен дә бер көнне
Кайтырмын күк кырларыма.