Ам бир хүн эрте берген, ону эскерген сен бе?
Амыдыралың дугайында бодалдар бар бе?
Азы чүгле чаңгыс хүн, чаңгыс дүн, чаңгыс бодал
Арай-ла чуртталгавыс чаңгыс, ону сактып ал…

Сайзыраал азы ол-ла хевээр чыдып артып каал
Хомудаал азы уйнуктарга чүнү чугаалаал?
Сагынгаш үениң дүргенин хараадап олура
Хөңнуң халып бодуңнуң аамайыңдан муңгара

Бөгүн эки чүнү кылган сен? Боданып көр даан
Чаныңда улуска сенден өске кым дузалаар?
Бөмбүрзекке анаа эвес төрүттүнген кижи сен
Чаңчылдарны сагывышаан салымыңны бижи че!

Чуртталга чаңгыс-даа бол оруктар эңмежок
Кайызы сээң болурун амдыгааштан шилип чор
Чугаалаарга-даа чүү боор улгаткан кижи-дир сен
Кандыг чуртталганы эртерин бодун билир сен