Жарытханды уллу къууанч жюреклерибизни… ой орайда…
Чыгъарабыз эрге биз эгечлерибизни… ой орайда…
Тойларын этебиз келинлерибизни… ой орайда…
Барыгъызны тойгъа чакъырабыз сизни… ой орайда…

Тоюбузгъа келигиз ички-аш эркинди… ой орайда…
Къайсы миллетда бизге къарнаш-эгечди… ой орайда…
Ма оруслу, къабартылы, малкъарлы да… ой орайда…
Бирге тепсейдиле жарыкъ тоюбузда… ой орайда…

Къонакълагъа жарыкъ харсла уруладыла… ой орайда…
Къобуз тартыула бирбирге къошуладыла… ой орайда…
Ойнайбыз-кюлебиз эркин юйюбюзде… ой орайда…
Къартла уа кеб алгъыш этиб олтурадыла… ой орайда…

Кюеу бла келинчик бирге тепсейдиле… ой орайда…
Жаш телю харс урады эришиб бир бирге… ой орайда…
Кебден кеб болсунла къууанч да насыб да… ой орайда…
Тулпарла туусунла бу жангы юйюрге… ой орайда…