Турчу, Аубекир, сюйген тенгим
Келчи былай къатыма
Атланайыкъ узакъ джолгъа
Минчи тору атынга

Джашла миниб атларына
Узакъ джолгъа кетерге
Салам бериб къартларына
Дин къазауат этерге

Айда джарыкъ чыкъгъан эди
Джулдузлада джылтырай
«Сау кёреийм, балам» - деди
Къарт анам да къалтырай

Айтдым: «Анам, сен джылама,
Сюрт джыламукъларынгы
Дин къазаууатха барама
Излеме къабырымы

Мени къабырым боллукъду
Кенг тюзде не таулада
Къоркъма, анам, къалмаз къаным
Тамчысы да джаулада!»