Музыка Ибрагима Джабаева, стихи Назира Хубиева.

Къара къашланы, узун чачланы, 
Ариуум, къайдан алгъанса?
Къара кёзлени, акъыл сёзлени,
Ариуум, къайдан алгъанса?
Айтсанг а, къайдан алгъанса?

Тангны кийимин, гюлню ийисин,
Ариуум, къайдан алгъанса?
Нюр джаякъланы, кюн таякъланы,
Ариуум, къайдан алгъанса?
Айтсанг а, къайдан алгъанса?

Таулу къыз атны, быллай сыфатны,
Ариуум, къайдан алгъанса?
Джерни хурметин, халкъны иннетин,
Ариуум, къайдан алгъанса?
Айтсанг а, къайдан алгъанса?