Ăçта каян чĕкеç çумăр витĕр,
Ăçта каян чĕкеç çумăр витĕр?
Ик çунатту тăрăх шыв юхтарса?

Ăçта каян савни каçа хирĕç,
Ăçта каян савни каçа хирĕç?
Ик куҫунтан куççуль ай юхтарса?

Сарӑ кайӑк чĕппи эп пулам-и,
Сарӑ кайӑк чĕппи эп пулам-и?
Турат ҫине ларса эп юрлам-и?

Савни санӑн тусу эп пулам-и,
Савни санӑн тусу эп пулам-и?
Санпа çумӑн ларса эп юрлам-и?

Каяп ĕнтĕ чĕкеç çумăр витĕр,
Каяп ĕнтĕ чĕкеç çумăр витĕр
Ик çунатту тăрăх шыв юхтарса.

Каяп ĕнтĕ савни каçа хирĕç,
Каяп ĕнтĕ савни каçа хирĕç,
Ик куҫунтан куççуль ай юхтарса.

Сарӑ кайӑк чĕппи пулаймарӑм
Сарӑ кайӑк чĕппи пулаймарӑм
Турат ҫине ларса юрлаймарӑм.

Савни, санӑн тусу пулаймарӑм
Савни, санӑн тусу пулаймарӑм
Санпа çумӑн ларса юрлаймарӑм.