Музыка и стихи Альберта Узденова.

Ёзенлени, кенг тюзлени
Суусабларын къандыргъан,
Минги Тауну джюрегини
Къан тамырыса, Къобан.

Припев:
Къарачайны Къобаны,
Минги Тауну кёк къаны,
Алгъышлары къартланы,
Таркъайма минг джылланы!

Джаз башында кемсиз аза,
Къулакъ суудан уяла,
Джайда-боза, къачда - таза,
Къыш болса уа - мияла.

Припев.

Сени суунг - мени къаным,
Ёхтемлигинг кёлюмде.
Сабыр болгъанлыкъгъа ангым,
Дженгиллигинг халимде.

Припев.

Энди халкъым термилмесин
Сенден уртлам уртларгъа!
Ачлыкъ джетиб кюсемесин
Ташларынгы джаларгъа!

Припев.

Сынамазча халкъым къуулукъ,
Ёмюрде да болма сай!
Этиб турсанг халал къуллукъ,
Разы турур Къарачай!

Припев.