Туган әйткән туры сүзне
 Кирәк дөрес аңларга.
 Яратмаса әйтмәс иде
 Үпкәләмик аларга.

Якыннарның туры сүзе
 Көчле була,яндыра.
 Яндырса да йөрәкләрне,
 Алар әйтә яхшыга.

 Әйткән кеше якын итә,
 Ясамасын дип хата.
 Тик дөреслеккә кисәтә
 Ялгышны күргән чакта.

Якыннарның туры сүзе
 Көчле була,яндыра.
 Яндырса да йөрәкләрне,
 Алар әйтә яхшыга.

 Дошман күрсә әйтмәс иде,
 Тимәс иде җаныңа.
 Туры сүзле булган өчен
 Рәхмәт якыныма.

Якыннарның туры сүзе
 Көчле була,яндыра.
 Яндырса да йөрәкләрне,
 Алар әйтә яхшыга.