Талынг æхсæв

Талынг æхсæв, хъуысы быдырæй нæмгуыты ‘хситт,
Дымгæ телты гуыз-гуыз кæны ‘рмæст, тарæй стъалытæ ‘рттивынц…
А ‘хсæв дæуæн, зонын, уарзон, æгъуыссæг фæци,
Æмæ авдæны фарсмæ дæ урс русыл цæссыг фæлидзы.

Тынг мысын дæу, мысын уарзон цæстыты фæкаст,
Тынг мæ фæнды, ныр дæ фарсмæ уысммæ куы фестин…
Талынг æхсæв дард фæхаста, мæ зæдæнвиц, мах,
Æмæ саудалынг тохы быдыр дардыл айтынг ис не ‘хсæн.

 Иунæг дæуыл æз æууæндын, мæ уарзон, мæ цин,
Зонын фидар: æрмæстдæр дæ уарзт мæн фыдбылызæй хизы.
Райы мæ уд, æз æдæрсгæйæ тохмæ цæуын,
Зонын, уарзгæйæ ‘нхъæлмæ кæсыс, ды мæ уæззау уаргъ исыс.

Ма мын кæ ‘нкъард, æз мæлæтæй нæ тæрсын, уыныс, -
Мæнæ ныр дæр уый мæ сæрмæ, сынтау, куыд зилы…
Авдæны цур ды, зæрдæхсайгæ, ‘нхъæлмæ кæсыс,
Æмæ уый тыххæй, зонын, мæныл тых нæ фæуыдзæн ничи!