Эргиччи хатыҥ мастар мин тулабар
Эймэһийэ куустуһан тураллар
Эн кэрэ сырдык мөссүөҥҥүн санатан
Эйэҕэстик мичээрдиир курдуктар
Тоҕо маннык дьикти буоларый
Тулалыыр эйгэбит үөрэрий
Арай соҕотох хатыҥ миэхэ
Тугу эрэ этэр курдугуй

Оо Хатыҥчаана барахсан 
Мин эйигин олус күүскэ таптыыбын
Кэрэчээн мичээргин бэлэхтээн
Мин аттыбар соһуччу баар буолууй

Оо Хатыҥчаана барахсан 
Мин эйигин олус күүскэ таптыыбын
Кэрэчээн мичээргин бэлэхтээн
Мин аттыбар соһуччу баар буолууй

Хатыҥнар эмиэ эн курдук тыыннаахтар
Сороҕор хомойоллор, үөрэллэр
Күһүөрү кинилэр эрдэ саһаран
Сэбирдэхтэрин сиргэ тамныыллар
Онтон эн миэхэҕэ күндүгүн
Сүрэҕим кэриэтэ чугаскын
Олоҕум туманын киэр үүрэн
Соҕотох хатыҥым буолаҕын

Оо Хатыҥчаана барахсан 
Мин эйигин олус күүскэ таптыыбын
Кэрэчээн мичээргин бэлэхтээн
Мин аттыбар соһуччу баар буолууй

Оо Хатыҥчаана барахсан 
Мин эйигин олус күүскэ таптыыбын
Кэрэчээн мичээргин бэлэхтээн
Мин аттыбар соһуччу баар буолууй

Эн кэрэ дьүһүҥҥүн көрүөхпүн баҕардым
Эн кэрэ куоласкын истиэхпин баҕардым
Мэлдьитин аттыбар баар буолууй,
Доҕоруом, мин ахтар хатыҥым

Оо Хатыҥчаана барахсан 
Мин эйигин олус күүскэ таптыыбын
Кэрэчээн мичээргин бэлэхтээн
Мин аттыбар соһуччу баар буолууй

Оо Хатыҥчаана барахсан 
Мин эйигин олус күүскэ таптыыбын
Кэрэчээн мичээргин бэлэхтээн
Мин аттыбар соһуччу баар буолууй