1
Uns ist in alten mæren   wunders vil geseit
von helden lobebæren,   von grôzer arebeit,
von fröuden, hôchgezîten,   von weinen und von klagen,
von küener recken strîten   muget ir nu wunder [bad word] sagen.

2
Ez wuohs in Burgonden   ein vil edel magedîn,
daz in allen landen   niht schoeners mohte sîn,
Kriemhilt geheizen:   si wart ein scoene wîp.
dar umbe muosen degene   vil verliesen den lîp.

Х
( Der minneclîchen meide   triuten wol gezam.
( ir muoten küene recken,   niemen was ir gram.
( âne mâzen schoene   sô was ir edel lîp.
( der juncvrouwen tugende   zierten anderiu wîp.

3
Ir pflâgen drîe künege   edel unde rîch,
Gunther unde Gêrnôt,   die recken lobelîch,
und Gîselher der junge,   ein ûz erwelter degen.
diu frouwe was ir swester   die fürsten hetens in ir pflegen.

Х
( Die herren wâren milte,   von arde hôhe erborn,
( mit kraft unmâzen küene,   die recken ûz erkorn.
( dâ zen Burgonden   sô was ir lant genant.
( si [bad word] starkiu wunder   sît in Etzelen lant.

Х
( Ze Wormez bî dem Rîne   si wonten mit ir kraft.
( in diente von ir landen   vil stolziu ritterscaft
( mit lobelîchen êren   unz an ir endes zît.
( si sturben sît jæmerlîche   von zweier edelen frouwen nît.

4
Ein rîchiu küneginne,   frou Uote ir muoter hiez.
ir vater der hiez Dancrât,   der in diu erbe liez
sît nâch sîme lebene,   ein ellens rîcher man,
der ouch in sîner jugende   grôzer êren vil gewan.

Х
( Die drîe künege wâren,   als ich gesaget hân,
( von vil hôhem ellen.   in wâren undertân
( ouch die besten recken,   von den man hât gesaget,
( starc und vil küene,   in scarpfen strîten unverzaget.

Х
( Daz was von Tronege Hagene   und ouch der [bad word] sîn,
( Dancwart der vil snelle,   von Metzen Ortwîn,
( die zwêne marcgrâven   Gêre und Ekkewart,
( Volkêr von Alzeye,   mit ganzem ellen wol bewart.

Х
( Rûmolt der kuchenmeister,   ein ûz erwelter degen,
( Sindôlt und Hûnolt,   dise herren muosen pflegen,
( des hoves unt der êren,   der drîer künege man.
( si heten noch manegen recken,   des ich genennen niene kan.

Х
( Dancwart der was marscalch,   dô was der neve sîn
( [bad word] ze des küneges,   von Metzen Ortwîn.
( Sindôlt der was scenke,   ein ûz erwelter degen.
( Hûnolt was kamerære.   si kunden hôher êren pflegen.
.