ტექსტი: მარიამ ხუცურაული
მუსიკა: თეონა ქუმსიაშვილი

ჭალაში ცეცხლივით ანთია ასკილი - მიბინდავს მზერასა,
მე შენს სიყვარულზე ათასაგზის აცრილი, ვავადობ ხელახლა...
ჩვენს შორის ჩამდგარა წლები და ჭორები, პატარა წყენაცა...
ჩემი ლექსების და სიზმრების რაინდი აქამდე შენა ხარ...

გავთელე წლები და დეკემბრის არაგვი ფეხდაფეხ გავტოპე,
უშენოდ არ მინდა ამ ქვეყნად არავინ, ზეიმობ... მაჯობე... 
მე მეტი მერგუნა ტკივილი, ცრემლებიც ალმასთა სხივითა,
ცხოვრებას კვლავ აღმა მივყვები ჯიუტად კალმახის ჟინითა...

ხანდახან გნახავ და რითმებს ვწნავ დილამდე, ლექსებით ვხმიანობ...
შენს პერანგს შემწყდარი სადაფის ღილივით ბუჩქებში ვკიაფობ...
მთის წვერებს საავდრო ნისლები თქორავენ, ხვალ-ზეგ თოვლს გთავაზობ...
მე შენს სიყვარულზე ა