Икәү учак яккан идек,
 Ярда балкып калды ул.
 Ничә еллар сөю уты
 Йөрәкләрдә янды ул.

Япь-яшь чаклар,
 Матур чаклар,
 Җилле чаклар бар иде.
 Учаклардай дөрләп-дөрләп
 Янган чаклар бар иде.

 Икәү учак яккан идек,
 Күпме сулар актылар.
 Тормышның борма юлында
 Сүрелмәде ярсулар.

Япь-яшь чаклар,
 Матур чаклар,
 Җилле чаклар бар иде.
 Учаклардай дөрләп-дөрләп
 Янган чаклар бар иде.

 Учагыбыз янсын әле,
 Тоймый еллар узганын.
 Киләчәккә илтсәк иде
 Аның якты нурларын.

Япь-яшь чаклар,
 Матур чаклар,
 Җилле чаклар бар иде.
 Учаклардай дөрләп-дөрләп
 Янган чаклар бар иде.