музыка Хусея Габаева
стихи Магомета Кайтаева

Терен сагъышгъа кирсем да,
Кёреме джарыкъ кёзлени.
Джарыкъ кёзледен эслеб да,
Эштеме ариу сёзлени.

Арабыз узакъ болса да,
Ариу ауазынг эштиле.
Къыш чиллени сууугъунда
Джаз джаз джылыуун келтире.

Припев:
Ашыгъыб сакълайма мен
Санга тюберик кюнюмю.
Сени сёзюнг сау этер
Ауруулу джюрегими.
Къайда тюберме санга,
Айтчы, мёлегим, манга?
Къайда тюберме санга,
Айтчы, мёлегим, манга?

Кёрюрме узакъ болсанг да,
Толгъан айны кёргенлей.
Тюбеелмей къалсам да,
Турлукъма сени сюйгенлей.

Припев:
Ашыгъыб сакълайма мен
Санга тюберик кюнюмю.
Сени сёзюнг сау этер
Ауруулу джюрегими.
Къайда тюберме санга,
Айтчы, мёлегим, манга?
Къайда тюберме санга,
Айтчы, мёлегим, манга?