Текст(слова) песни
Аерылабыз, аерылабыз,
Аерылабыз, хуш иркәм.
Вакытлыча аерылганга
Түзәргә кирәк икән.

Аерылабыз, аерылабыз,
Бир, иркәм, кулларыңны, 
Киләчәктә бәхетсезлек
Өзмәсен юлларыңны.

Алсу күбәләкләр оча
Зәңгәрсу болытларда,
Әрнемәче йөрәккәем,
Бер генә минутларга.

Агыйделдә өч үрдәк,
Өчесенә – бер оя,
Аерылмабыз, дигән идек,
Аера икән дөнья.

Аерылабыз, аерылабыз,
Аерылабыз күпкәме?
Әллә айга, әллә елга,
Әллә гомерлеккәме?

Агыйдел каты акса да,
Төбе – камышлык икән,
Аерылуны уйламыйча,
Нигә таныштык икән.

Агыйдел параходына
Элеп калдырдым йозак
Аерылулар тиз булса да,
Кавышулары озак.