Сен жанымда жүрсең,
Сен жадырап күлсең,
Бақыттымын мәңгі, асыл арманым!
Жаутаңдаған көзде,
Сәуле ойнаған кезде,
Шаттығымды елден жасыра алмадым!

Қ-сы:
Желбіреген гүлдей,
Жеке шыққан күндей,
Сағынышым, жайнап тұршы алдымда!
Тауда бұлттар асып,
Жерге жұпар шашып,
Бал бұлақтар тасып
Жатқан кезде,
Қырқасынан қырдың,
Арасынан нұрдың,
Еркетайым, сені көріп қалдым ба?!

Құшағыма кіріп,
Күле қарап тұрып,
Қосылшы әнге сол бір жүрек тербеген!
Тал жанына барсақ,
Таңды күтіп алсақ,
Таңдай әппақ адал тілектерменен!

Қ-сы: