Бик анһат, бик анһат
Таптым йәр мин һине.
Бик анһат һөйләштек, таныштыҡ.
Бик анһат, бик анһат
Һөйөштөк, яраштыҡ.
Бик анһат табыштыҡ, ҡауыштыҡ.    

Йәшәүҙәр йыр һыман,
Шатлыҡтар нур һыман.
Беҙ күктә осҡан ҡош түгелме?
Еңеллек, Еңеллек.
Ләкин ник еңелдек,
Ни ҡырҙы ҡанатын күңелдең?
Еңеллек, еңеллек.
Ләкин ник еңелдек,
Ни ҡырҙы ҡанатын күңелдең?    

Күңелдә берҙәмлек,
Тормошта бергәлек,
Иптәшлек, юлдашлыҡ ник янды?
Һин уңға, мин һулға,
Һин утҡа, мин һыуға
Ник, йәрем, кинәттән ташландыҡ?    

Әй ауыр, әй ауыр,
Әй ауыр йөрәккә.
Мең бысаҡ төндәрен ҡаҙала.
 Ни булды һуң беҙгә,
Мөхәббәтебеҙгә?
Йә Раббым, ҡайғынан арала.
Ни булды һуң беҙгә,
Мөхәббәтебеҙгә?
Йә Раббым, ҡайғынан арала.