1.
Хьо тхайна вийцачи,баланаш байло
Хьо вуьйцу ладоьгIчи, б1аьргех хи долу.
Дуьнена балина хьо рези хилла,
Къайлахь саца волли хьо, ва Киши мубарик.

2.
Нур хилла къадари, дуьненча ва даьлчи
Т1арикъат дуьйхана хьо ара  ваьлчи.
Динан мостаг1ийн аьрзнаш сов даьлла, махкаха ваьлла
Къайлахь саца волли хьо, ва Киши мубарик.

3.
Дикачу ден букъахь хьо ара ва ваьлла
Хьоьх Вели ва лиъна, Дала хьоьх Вели вира
Яра дуьне, эхират, хьан кара д1аделла
Къайлахь саца волли хьо, ва Киши мубарик.

4.
Хазачу эшарца, вай деле кхайкхана
Сий долчу Элчане хьайна г1о дехна
Элчанна умматна, 1у хилла веар хьо
Къайлахь саца волли хьо, ва Киши мубарик.

5.
Баккхийчу муридаша хьо тхайна вийцачи
Кегийча бераша сатийса хьоьги
Вай Деле хьо вуьхуш ладоьг1и хьоьги
Къайлахь саца волли хьо, ва Киши мубарик.

6.
Стигланаш йоьлхийла ва Хьажи хьо вуьхаш
Латтанаш доьлхийла ва Хьажи хьо вуьхаш
Ва Делан ох1лунехь хьо вийца вийцитна
Нана-Дег1аста йоьлхийла ва Хьажи хьо вуьхаш.
Къайлахь саца волли хьо, ва Киши мубарик.

7.
Сулайм пайхамар санна, холкъана воьйзана
Юсуп пайхамар санна, холкъана вийзина
1ийса пайхамар санна, махкаха ваьлла
Къайлахь саца волли хьо, ва Киши мубарик.

Ла Илах1а иллаллах1у Мухьаммадур-Росулуллах1