Шу Ялтадан

Шу Ялтадан таш юкледим, 
Гемим толмады. 
Шу малледен бир яр севдим 
Меним олмады.

Кель,кель,кель,Аман,алайым сени, 
Эгер къысмет олур исенъ,сарайым сени.

Шу Ялтадан бир юзюк алдым, 
Эльмаздыр ташы. 
Шу малледен бир яр севдим, 
Он секиз яшы.

Кель,кель,кель,Аман,алайым сени, 
Эгер къысмет олур исенъ,сарайым сени.

Шу Ялтадан метинлидир 
Япма лиманы. 
Шу малледен бир яр севдим, 
Ёктыр иманы.

Кель,кель,кель,Аман,алайым сени, 
Эгер къысмет олур исенъ,сарайым сени.

Шу Ялтадан гедже чыкътым, 
Ёлумы шашырдым. 
Джандан севген, Гузель яреми, 
Эльден къачырдым.

Кель,кель,кель,Аман,алайым сени, 
Эгер къысмет олур исенъ,сарайым сени.

Шу Ялтанынъ ялысына, 
Гемим бакъладым. 
Фидан бойлу бир гузельге, 
Мейиль багъладым.

Кель,кель,кель,Аман,алайым сени, 
Эгер къысмет олур исенъ,сарайым сени.