Безаман цу ц1аро вагийна лела,
Хьоменаг, хьан коре хийлаза хьийза,
Хьан б1аьргийн и суйнаш даг чуьра далац,
Малика боху ц1е, даг чуьра ялац..

Хаалахь, сан дог ду безамах догуш,
Йезачу йо1ана ша иллеш дохуш,
Хаалахь, сан аз ду и иллеш лоькхуш,
Ойла ю безамца даиман ехаш..

Мостаг1 соьх тарвелча санна хьо лела,
Буьйсанна наб яйна со хийла лела..
Х1уьттаре еш санна кхечарна йоьлу,
Амма а хьуна со дага ца воху..

Вайшинна-м г1уллакх хир дац ахьа соь ца олу..
Сан дагна бина ша бешна ца болу..
Йола-хьа шовдане къинхетам бе-хьа
Ма хьежа соь шийла - ахь со ма ве-хьа..

Садайна, маьркIажа хан, малх къайла бели,
Седарчий цу стиглахь шаьш гучудевли,
И берийн гIар-тата жIаьлеша яйъи
Хьан хаза аз хезна дог ловза дели .. 

Хаалахь, сан дог ду безамах догуш,
Йезачу йо1ана ша иллеш дохуш,
Хаалахь, сан аз ду и иллеш лоькхуш,
Ойла ю безамца даиманна ехаш..

Сан илли чекхдолу, амма чекхбалац,
Сан безам теша хьо, со хьоьха валалац,
Амма сан кийра бу г1орийна лаьтташ,
Вехар ву сайн кийрахь и безам кхобуш..